Экономикадан ден соолук кымбат??

Мамлекеттин келечеги кең болушун, анын өркүндөп өсүүсүн, экономикасы өнүгүп дүйнөнүн алдыңкы мамлекеттерине кошулуусун бардыгы эле каалайт. Туура, мамлекет өссүн өнүксүн, дүйнөнүн алдыңкы мамлекетине айлансын, бирок кантип. Албетте бул өлкөнүн өнөр-жайына, экспорт, импорттуна, инклюзивдик институттардын өсүүсүнө, жана ошону менен эле катар мамлекеттеги муңай затка байланыштуу.
Дүйнөдө эң бай өлкөлөр да дал ушул муңай зат чыгарып байып келет. Бирок алар экономиканы өстүрүү менен бирге экологияга да өтө чоң маани берип иш алып барышат. Биз башка мамлекеттерди туурап, муңай заттарды иштеттип жатабыз, а экологиябыз эмне болду, жетишээрлик көңүл бурулуп жатабы? Элибиз экологияга ыраазыбы?
Албетте жок, эң кооз, эң таза, жашыл шаар деп эсептелинип келген Актау калаасы бүгүн айласын таппай, түтүнгө жылдан жылга чөмүлүүдө. Бир жагынан Каспий деңизи азайса, экинчи жагынан шаарда түтүн көбөйүп эл кыйналып келет. Мамлекет муңай зат чыгарат, бирок аны менен бирге чыккан зыяндуу түтүндүн алдын албайт. Ал түтүндөр кайда кетип жатат? Экономика деп, элибиздин ден соолугун жылдан жылга талкалап жатабыз. Элдин ою эске алынабы, же унчукпай кара түтүнгө чөчүлүп жашай берүүсү керекпи? Балдардын ден соолугунан акча жасап, алардын келечегин талкалап жатабыз.

Расмий маалымат боюнча муңай зат чыгарган компаниялар атмосферага 300 миң тоннадан ашык зыян зат чыгарган. Бул зыян зат кайда кетти, албетте аба аркылуу ар бир адамдын ичине кирип, ден соолуга кедергисин тийгизүүдө. Ал эми мамлекет буга азырынча чара көрө элек.
Негизи эле адамдын жашоосун суу менен эле жер түзөт эмеспи. Жер, суу, абаны таза кармап кала албасак анда келечегибиз эмне болот? Жергиликтүү тургун Мунара Макунованын айтымда мамлекет тараптан бул маселени чечүү үчүн эч кандай реалдуу план же программа жок. Бул деген экономикабыз өнүксүн, экологиябыз эмне болсо ошо болсун дегениби?
———Элдин, балдардын ден соолугу эч кимге кереги жокпу?
———Элге кайдыгер карабайлы!
———Балдардын чын ден соолугу өлкөнүн мыкты келечеги!