Кибербуллингке жол жоқ!

Интернет әлемі — біз ақпарат алатын, тәжірибе алмасатын және жаңа достар таба алатын таңғажайып орын. Өкінішке орай, кейде бұл әлемде оның қолданушыларына теріс және зиянды әсер ететін дүниелер болады.

Кибербуллинг – интернет желісінің жағымсыз тұстарының бірі. Бұл онлайн ортаны адамға деген агрессия мен жек көрушілікті, үрейлендіру мен ренішті көрсету мақсатында қолдану.

Бірақ біз кибербуллингті тоқтата аламыз! Мұны жүзеге асыру үшін сізге суперқаһарман болу немесе арнайы дағдылар қажет емес. Тек бірнеше маңызды нәрсені есте сақтаңыз.

Біріншіден, шынайы өмірдегідей желіде бір-біріңізге мейірімді және сыйластықта болыңыз. Сенің адамға деген қатынасың — сенің ішкі жан дүниеңнің көрінісі. Егер де қоғам саған қалай әсер еткенін қаласаң, өзің де қоғамға сондай қатынаста болу қажетсің.

Екіншіден, егер сіз біреудің кибербуллингтің құрбанына айналғанын көрсеңіз, бей-жай қарамаңыз. Бұл адамға дереу қолдау көрсетіңіз, оның жалғыз емес екенін айтыңыз және көмек көрсетіңіз. Кейде жігерлендіретін қарапайым сөз біреудің көңіл-күйін әлдеқайда жақсартады.

Соңында, киберқорқытуға тап болсаңыз немесе көмекке мұқтаж басқа біреуді көрсеңіз, ересектерден немесе мамандардан көмек сұраудан тартынбаңыз. Бұл әлсіздік емес, өзіңе және басқаларға деген қамқорлық. Ізгі қоғам қалыптастыруға бір үлесіңіз.

Интернетті барлығына қауіпсіз және жайлы орынға айналдыру үшін бірге жұмыс істейік! Өркениетті заманауи ортада кибербуллингке жол жоқ! Әр адам шынайы өмірдегідей виртуалды ортада да өзің қауіпсіз, жайлы сезінуіне өз үлесіңді қос!