Қоғамда ер мен әйелдің дәрежесі тең болуы дұрыс па?

Қазақ халқы ежелден ер адамның дәрежесін әйелден бір саты жоғары қойған.Бірақ заман ағымына қарай, барлығына топырақ шашпаймын, кейбір батыстың менталитетіне сай психологиялық білімдерді оқып алған психолог-коучтар немесе күйеуінен зәбір көрген әйелдер ер мен әйелдің дәрежесін теңестіруде.
Бірақ барлық адам бірдей емес қой?! Осындай кері мәліметтерді естіп, айрандай ұйып отырған отбасылардың айырылысқаны қаншама…
Менің ойымша, ер адам әйелден бір саты жоғары тұруы керек.Себебі жаратушымыз ер мен әйелді екі түрлі етіп жаратты.Яғни әркім өз рөлінде болса ғана құндылықтарға бай, бақытты отбасы қалыптасады.
Біздің отбасымызда әкем әрбір ойларын, отбасылық мәселелерді, жаңа бастамаларын үнемі анаммен өзара ақылдасып отырады, бірақ, соңғы шешімді өзі қабылдайды.Ал анам әрқашан біздің алдымызда әкеміздің дәрежесін көтеріп, оны барынша сыйлап,құрметтеуді насихаттап отырады.Бақытты жанұя деген осы емес пе, шіркін?!